بەفرین دەنگێکی تایبەتی ژنە کە لە ڕێگەی هونەرەکەیەوە بەرگری دەکا لە مافی خاوەندارێتی ژن بۆ جەستەی خۆی و دژ بە کەلتور و دابونەریتی دواکەوتوانەی دژە ژن دەوەستێتەوە.
کاتێک ژنان وەک بوونەوەرێکی ئازاد جوانیەکانی جەستە و هەست و خولیاکانی خۆیان دەردەبڕن ئێمە هونەری ڕاستەقینەی ژنان دەبینین. پێشانگاکەی بەفرین کەلتووری پێشکەوتووی ژنمان بۆ نمایش دەکا. کەلتوری سەرنجدان لە جوانیە سروشتییەکانی ژن کە وەک جوانی گوڵێک ئاشکران و شەرمی داپۆشینیان نەکراوەتە بەر. هەست بە بۆنی کێڵگەی لاڤێندەرەکان کە لەگەڵ بۆنی جەستەی مرۆڤێکی ژن تێکەڵاو دەبن، کاتێک پیایدا تێپەڕدەبێت.دەربڕین لە هەستی ناخ و دەرونی داپۆشراوی ژنێک دەبینین کە ڕوبەڕومانە و چاومان فێر دەکا چاویلکەی جەندەر لابەرین تا هەست و سۆزی مرۆڤ بە ڕاستی و وەکو خۆی ببینین.
هەمیشە سەرکەوتوبیت بەفرین گیان لە هونەرە جوانەکەتدا
Add Comment